Mae Sefydliad Cyfarthfa yn gweithio mewn partneriaeth â Merthyr’s Roots a’r Tîm Addysg yn Amgueddfa ac Oriel Gelf Castell Cyfarthfa i ddarparu gweithdai addysgol i ysgolion. Mae’r gweithdai hyn yn tynnu sylw at sut y cafodd Cyfarthfa ei lunio gan bobl Merthyr a’r byd naturiol ac yn pwysleisio pwysigrwydd Cyfarthfa i Gymru a thu hwnt. Mae prosiectau addysgol diweddar wedi cynnwys:
Addysg
Rhaglen addysg ar gyfer dosbarthiadau Blwyddyn 4 ar draws 17 o ysgolion cynradd (685 o blant) ym Merthyr, ac ymgysylltiad â 120 o fyfyrwyr o Goleg Merthyr Tudful, y gwnaeth pob un ohonynt ymweld â Chyfarthfa. Gwerthuswyd y rhaglen addysg yn annibynnol gan ymgynghorydd a chafodd ymateb cadarnhaol iawn: “Mae’r pecyn addysgol hwn, yn fy marn i, yn enghraifft ragorol o’r math o weithgareddau y mae’r Cwricwlwm i Gymru newydd yn annog sefydliadau treftadaeth i’w cynnig i’w cynulleidfa ysgolion leol.”
Dathlu Wythnos Genedlaethol y Picnic trwy ddisgwylion yn treulio amser yn yr amgylchedd naturiol i fwynhau gemau lawnt, gweithgareddau seiliedig ar natur a phicnic.
Fe wnaeth myfyrwyr o Goleg Merthyr Tudful greu a churadu arddangosfeydd o waith celf wedi’i ysbrydoli gan hanes Cyfarthfa.
Fe wnaethom gynorthwyo myfyrwyr yn Ysgol Pen-y-Dre a oedd yn cymryd rhan yn Inktober gyda deunyddiau celf.
Mae gennym lawer mwy o brosiectau addysg cyffrous yn yr arfaeth ac wrthi’n cael eu datblygu ar hyn o bryd.
Os hoffech siarad â ni am sut y gallwn gynorthwyo eich rhaglen addysg, cysylltwch ag [email protected]
Mae’r tîm yn Amgueddfa ac Oriel Gelf Castell Cyfarthfa hefyd yn darparu Rhaglen Addysg â chyfleoedd ar gyfer sesiynau allgymorth, gwaith prosiect a chymorth adnoddau atodol. Am ragor o wybodaeth, cliciwch yma.